اكلات نباتية

موضوع: اكلات نباتية 2008-01-31, 10:46 pm

السلام عليكم ورحمة الله وبركاته

العجة

المقادير

باقة بقدونس مغسولة ومغرومة ناعم
2 بصل اخضر مغسول ومغروم ناعم او بصل ناشف

قليل من النعناع الناشف او الاخضر مغروم ناعم

معلقتين طحين

معلقتين بوكنج بودر

4 بيضات

معلقتين من الماء

ملح وبهار وفليفلة

-------------------------------------------------
نخلط كل المواد مع بعضها
نضع الرزيت على النار
ونصب بالملعقة من المزيج على شكل اقراص ونقليها بالزيت
وتقدم بالصندةيش مع البندورة والخس والمخللل
وصحتين

موضوع: رد: اكلات نباتية 2008-01-31, 10:46 pm

الفلافل
------------
ربع كيلو من الحمص المنقوع قبل بيوم
50 غ برغل او فول منقوعة قبل بيوم
3 حبات ثوم
1 بصلة ناعمة مفرومة
كمون وكزبرة وبقدونس مفروم وملح وبهار ومعلقة صغيرة بوكنج بودر
وزيت للقلي
-----------------------------------
نطحن الحمص والفول ونضيف بقية المواد ونتركه بالبراد ساعة ثم تعمل اقراص ونقليها بالزيت ويقدم معها طرطور الطحينة مع البقدونس والنعناع والبندورة والمخلل وصحتين
---------------------------------

موضوع: رد: اكلات نباتية 2008-01-31, 10:47 pm

كبة السمك
------------------
ربع كيلو لحم السمك بدون عظم او حسك
125 غ برغل
بصلة مقطعة
كاستين ماء حار
بشر برتفالة
ملح وبهار وكزبرة خضرة وقليل من الزعفران الاصفر او بدون زعفران وبصل كمان شرائح وزيت
-----------------------------------
نطحن السمك مع البصلة ونغسل البرغل وننقعه فبل ربع ساعة وثم ندعك الرغل جيدا مع اضافة السمك المطحون وبشر البرتقال والكزبرة والملح وثم نمد قسم من الكبة في صينية
نقلي شرائح البصل مع الزيت ونضيف اليه الزعفران المذوب بالماء الحار ونتركهم على النار قليى مع الملح وثم نضع هذا البصل على الكبة وفوقها طبقة تانية من الكبة ونقطعها ونرش عليها زيت ونخبزها بالفرن وصحتين
------------------------------------------

موضوع: رد: اكلات نباتية 2008-01-31, 10:48 pm

باي بالخضرة
------------------
كاسة ونصف من الطحين
50 غ زبدة
نصف كاسة من اللبن او الماء
----------------------
بصلة
جزرة
قرنبيط او بروكولي
بندورة
3 بيض
كاسة ونصف من الحليب ملح وبهار وجبنة مبشورة
--------------------------------------------
نعجن عجينة الباي ونضعها في قالب الباي او قوالب باي صغيرة نخبزها بالفرن
وبعدين نضع عليها الخضرة المطبوخة قليلا وثم الحيب والبيض المخفوق والملح والبهار
وندخلها الفرن وعليها الجبنة المبشورة وصحتين
----------------------------------------

موضوع: رد: اكلات نباتية 2008-01-31, 10:48 pm

باذنجان مع خضرة
-------------------------
2 باذنجان كبير
ماء
ملح
------------
الحشوة
--------------
2 جزر
بصلة
معلقة زيت
3 حبات من البندورة
50 غ زيتون
جبنة مبشورة
ملح وبهار وباسيليكا ورق عطري
-------------------------------------------
نغسل الباذنجان ونقطعه بالطول ونضعه في ماء مملح يعني ماء وملح شي نصف ساعة وبعدين ناخذ بالسكين قليل من لب الباذنجان
نضع على النار الزيت والبصل المقطع ولب الباذنجان والجزر والزيتون وقطع البندورة وبعدين نضع هذه الحشوة على قطع الباذنجان وفوقها بشر الجبنة وندخلها الفرن وصحتين
------------------------------------------------

موضوع: رد: اكلات نباتية 2008-01-31, 10:49 pm

يلنجي - محشي باذنجان بالزيت
-----------------------------------
كيلو باذنجان محفور
كاسة رز
3 حبات بندورة مفرومة
معلقتين دبس بندورة
بصلة مفرومة
قليل من البقدونس المفروم
بطاطا مسلوقة او حمص مسلوق او بلاحمص وبلا بطاطا
معلقتين كبار دبس رمان
ملح وبهار ونعناع وزيت
حبة قليفلة
-----------------------------------------
انا نضع البصل علىالنار مع قليل من الزيت ونطبخ الرز نصف طبخ او نضع كل المواد مع بعضهم ونحشي بهم الباذنجان ونطبخه على نار هادئة وبعد نصف طبخه نضيف اليه معلقة دبس رمان او حامض وصحتين
-------------------------------

موضوع: رد: اكلات نباتية 2008-01-31, 10:49 pm

مسقعة الباذنجان والحمص

· كيلو باذنجان مقطع دوائر ومحمر بالزيت.
· 2/1 كيلو طماطم مقطعة دوائر.
· 4/1 فليفة حارة.او فليفلة خضراء
·ربع كيلو من الحمص المسلوق
معلقتين دبس بندورة - ملح وبهار
--------------------------------------------
1- ترص قطع الطماطم في صينية ثم يرص فوقها الفليفلة ثم الباذنجان.المقلي والحمص المسلوق
2- تضاف صلصة البندورة إلى الصينية وتدخل الفرن لمدة 2/1 ساعة ثم تقدم وهي ساخنة .
وصحتين
------------------------------

موضوع: رد: اكلات نباتية 2008-01-31, 10:50 pm

محشي ورق عنب من ارمينيا
--------------------------------
نصف كيلو من ورق عنب
90 غ عدس
80 غ برغل خشن
1 بصلة مقطعة ناعم
2 معلقة كبيرة من الزيت
60 غ مشمش ناشف مقطع ناعم
قليل من النعناع وقليل من الكزبرة وملح وبهار وقليل من الصنوبر حسب الرغبة
عصير ليمون واحدة
--------------------
يغسل العدس ويسلق بالماء
يغسل البرغل ويترك منقوع بالماء قليلا
يوضع في جات العدس المسلوق والبرغل بعد ازالة الماء منهم وثم البصا المفروم ناعم وبقية المواد
تغسل اوراق العنب وتحشى كل واحدة بهذه الحشوة وتوضع في طنجرة ويعصر عليها عصير الليمون ويضاف الملح والماء ونضع صحن على الوجه ونتركه على النار بس يغلي نخفض النار ونتركه 45 دقيقة وبعد ذلك يبرد قليلا ويقدم وصحتين
-------------------------------

موضوع: رد: اكلات نباتية 2008-01-31, 10:51 pm

محشي ورق العنب من البلاد العربية ايضا نباتي
---------------------------
250 غ ورق عنب
100 غ رز طويل
معلقة كبيرة من الزيت
كاسة وربع من الماء
60 غ صنوبر
قليل من البقدونس الناعم
رشة قرفة وملح وبهار
حبة بندورة مقطعة
عصير ليمونة ومعلقتين كمان من الزيت
-------------------------------------
نضع الزيت على النار ومعه البصل المقطع ناعم وبعد فترة نضيف الرز المغسول والملح والبهار والماء ونطبخ الرز وثم نرفعه من على النار ونضيف البقدونس الناعم والبندورة المقطعة وثم نحشي بها اوراق العنب المغسولة ونصفها في الطنجرة وفوقها شرائح الليمون والماء والزيت والملح ونضع صحن على الوجه ونتركه على النار ونخفض تحته الحرارة حتى ينضج ويقدم باردا وصحتين
---------------------------------

موضوع: رد: اكلات نباتية 2008-01-31, 10:51 pm

بطاطا
---------------
800 غ من البطاطا
فليفلة حمراء مقطعة
ملح وبهار ومعلقة زبدة او سمنة
-----------------------------------
نقشر ونقطع البطاطا الى قطع نضعها بورق السولفان وعليها بقية المواد ونلفها بالسولفان ورق الالمنيوم ونضعها بالفرن
-----------------------------------

موضوع: رد: اكلات نباتية 2008-01-31, 10:52 pm

سمك
--------------------
سمك هبر لا كس
قليل من الملح قليل من السكر وبهار وعصير ليمون او قطع شرائح ليمون بصل البريولوك الاخضر
-----------------------------
يوضع ايضا السمك مع بقية المواد بورق السولفان ويدخل الفرن
-------------------------------------------

موضوع: رد: اكلات نباتية 2008-01-31, 10:52 pm

خضرة
---------------
1 كوسا صفراء اللون
1 كوسا خضراء اللون
1 فليفلة حمراء
150 غ قرنبيط
150 غ بروكولي
ملح وبهار ومعلقتين سمنة او زبدة توابل عشبية معطرة متل باسيليكا او اوركانو
---------------------------------
نغسل الخضرة ونقطعها ونضعها بورق السلوفان مع التوابل ونلفها وندخلها الفرن
--------------------------------------------------
ممكن ان نستعمل صلصة لهذه الخضرة تقدم معها بعد خروجها من الفرن
2 دل كريم فريش
2 دل كريدي كريما الحليب
50 غ زبدة
عصير نصف ليمونة
ملح وبهار
نضح الكريم فريش على النار مع الكريدي اي الكريما حتى يغلي المزيج نضيف الزبدة والملح والبهار وتستعمل
---------------------------------------------
او زبدة الثوم ناكلها مع الخروات الي وضعناها بالفرن ا او مع السمك او حتى مع اللحم المقلي تستعمل
100 غ من الزبدة
3 فصوص من الثوم
نصف معلقة صغيرة ملح وكذلك عصير ليمون وقليل من القدونس
نخلط الزبدة مع الثوم المهروس والعصير بدون نار وثم الملح ونضعها بصحن وعليها بقدونس
عندما ناخذ الخضرة من الفرن وهي خارة يضيف كل واحد لصحنه فوق الخضرة معلقة من هذه الزبدة مع الثوم وصحتين
-----------------------------------------------

موضوع: رد: اكلات نباتية 2008-01-31, 10:53 pm

بيتزا مع الخضرة
-----------------------------
عجينة البيتزا
25 غ من الخميرة
2 \1 2 دل من الماء الفاتر
معلقة كبيرة من الزيت
2\1 معلقة صغيرة من الملح
6 دل من الطحين = 360 غ = 3 كاسات
----------------------------------
الصلصة الحمراء
1 بصلة
1 فص من الثوم
400 غ بندورة مقطعة
معلقة صغيرة سكر
رشة من الباسيليكا والزعتر الاخضر اوركانو وبهار وملح
2 معلقتين كبار دبس بندورة

موضوع: رد: اكلات نباتية 2008-01-31, 10:54 pm

لوازم البيتزا

4 دل جبنة مبشورة وحسب الرغبة

1 فليفلة خضراء
1 كوساية كبيرة
1 وحدة من الارضي شوكي
------------------------------------------------
نعجن عجينة البيتزا ونتركها تختمر
نطبخ الصلصة الحمراء
نقطع العجينة قطع ونرق كل قطعة ونضع عليها الصلصة الحمراء وثم نرش الجبنة وبعدين نضع قطع الفليفلة الخضراء او المعلبة المكبوسة متل مخلل ونضع قطع رقيقة من الكوسا ومن الارضي شوكي واذا بدنا دسم اكتر نرش جبنة نسبة الدسم عالية فيها
مخبزها بالفرن وصحتين
-----------------------------------

موضوع: رد: اكلات نباتية 2008-01-31, 10:54 pm

هامبرغر نباتي
-------------------------------
1 بصلة
1 جزرة
2 قطعتين يعني فصين من الثوم
410 غ من الحمص المسلوق
200 غ من الذرة المسلوقة او المعلبة
5 نقط من تباسكو
ملح وبهار ورشة بقدونس مفروم
2 معلقة كبيرة من النشاء
نصف ليمونة من بشر قشورها
1 بيضة
نصف كاسة من السمسم
وزيت للقلي
-----------------------

موضوع: رد: اكلات نباتية 2008-01-31, 10:56 pm

خبز هامبرغر
بصلة مقطعة حلقات
خس وفليفلة مقطعة
------------------------------
نضع الحزر المبشور على النار ومعه الثوم وقليل من الزيت
نطحن الخمص المسلوق والذرة المسلوقة والبقدونس مع بعض وثم نضيفهم على النار مع البصلة والثوم والجزر ونرش ملح وبهار وتباسكو والنشاء وعصير الليمون والبيضة ونحركهم على النار ليسمك المزيج نتركه يبرد نعمله اقراص متل الهامبرغر ونغطسها بالسمسم ونقليها بالزيت
نحطها بالخبزة ومعها البصل والخس والفليفلة وتقدم

تقبلو مني فائق التقدير و الاحترام

نسمة

» ملف اكلات صينية
» اكلات فلسطينية شعبية
» اكلات .. للعزابة سهلة التحضير